Huyo mtume wenu alifanya miujiza ipi?

Swali:
Yesu kristo alifanya miujiza mingi sana, je huyo mtume wenu alifanya miujiza ipi?


Jibu:

Hakika Muujiza mkubwa koliko yote wa Bwana Mtume S.A.W ni hii Quran tukufu ambayo haibadiliki kama vitabu vyenginevyo na kila zama zikenda ndio inafahamisha zaidi kinyume navitabu viandikwavyo na mwanadamu ambavyo kila siku zikipita hubidi kufanyiwa marekibisho fulani ili viweze kwenda na wakati.

Muujiza mkubwa wa Bwana Mtume Muhammad S.A.W ni Quraan tukufu lakini kuna Miujiza mengi aliifanya ingawa hayadhukuriwi lakini hayo aliyoyatenda yalikuwa ni Miujiza hata kwakule kusema kutakuwa na jambo fulani litakuja kutokea huo nao ni Miujiza, kwani utapoangalia Taarifu nilisema Miujiza hudhihiri katika baadhi ya mikono ya Mitume, hiyo ni sawa nahata kule kutabiri kuelezea kitachotokea nako huko kunakuwa Miujiza.

Wasomi mbali mbali waliweza kuyanukulu hayo akiwemo Ibn Taymiyyah, Al-Jawab as-Sahih li man Baddala Din al Masih iliyoelezwa na Ibn Kathir, Tarikh na Adh-Dhahabi, Tarikhal-Islam , Ibn Hajar Fathul Bari {6/582). Vile vile rudia Khayru-d-Din Wanili, Mujazat al-Mustapha (kopi ya 3, iliyochapishwa Maktaba as-Sawadi Jeddah).

Vitabu vingi vimeelezea juu ya Miujiza ya Bwana Mtume Muhammad S.A.W.

MIUJIZA

Katika Miujiza ya Bwana Mtume Muhammad S.A.W ni:

· Kupasuka kwa mwezi

· Maji kuchuruzika katika pacha ya vidole vyake

· Kuongeza chakula kidogo kuwa chingi

· Jiwe kumsalimu

· Kuzungumza kwa mguu wa kondoo aliyona sumu

· Mti kutembea na kumfikia yeye Bwana Mtume

· Kondoo tasa kumfanya atoe maziwa

· Kulirejesha jicho la Qatidah bin an-Numan kwa mkono baada ya kudondoka na kurejea jicho hilo hali ya kawaida

· Alilitemea mate jicho la Syd Ali baada ya kuvimba na jicho hilo kurudia hali yake ya kawaida

· Kubashiri kabla ya tokeo la vita vya Badr kwa kusema hapa ndipo watapokufa wanaomshirikisha "Allah" na kuwataja baadhi yao kwa majina

· Alibashiri kuwa utajiri wa Chosroes utaangukia mikononi mwa waislam na utajiri huo utatumiwa kwa manufaa ya waislam, pamoja na kusema kuwa Wa-Farsy na Wa-Roma malizao zitaangukia mikononi mwa waislam na Suraqah bin Malik atavaa kivazi cha Chosroes

·Alifahamisha kuwa Hassan bin Ali atapatanisha makundi yaliokuwa yakikhitalifiana baina ya waislam

·Alieleza kuwa Sa’d bin Abi Waqqas ataishi na hivyo vikundi vilivyokuwa vikikhitalifiana na baadhi yao watafaidika na wengineo watadhurika

· Alibashiri siku aliyokufa Najash wa Ethopia na siku ya kuuwawa kwa al-Aswad al-Ansi akiwa yupo Yemen

· Alibashiri kutekwa kwa Turks, kutekwa kwa Iraq na Syria

· Alieleza kuwa Ammar bin Yassir atauwawa na wavamizi na hapo taifa la kiislam litagawanyika katika makundi (madheheb) na kupigana baina yao

·Alibashiri kuwa Ruwayfi bin Thabit kuwa ataishi umri mrefu na ikawa hivyo

·Alibashiri kuanza kwa moto mkubwa kutokea sehemu za Hijjaz yakawa hayo

·Alifahamisha kuwa Thabit bin Qays, kuwa ataheshimika na kusifiwa na atakufa kama shahidi yakawa hayo kwani alisifika na kuuwawa sehemu ikijulikana kama al-Yamamah

·Alibashiri juu ya misukosuko ya Sayyidna Uthman RA na yakatokea

·Aliwaeleza wakeze kuwa "Aliyemwepesi wa kutoa sadaka kati yenu ndio atayenifwata mwanzo, baada ya kufa kwangu". Aliyekufa mwanzo akawa ni Zaynab bint Jahsh (ra) huyundio kati ya wake wa Mtume aliyekuwa mwepesi wa kutasadak na ndio aliyekufa mara tu baada ya Bwana Mtume kufariki

·Mtume alimuelezea Anas kuwa atakuwa tajiri na kuwa na watoto wengi na vile vile ataishi umri mrefu. Inafahamishwa kuwa Anas aliishi zaidi ya miaka mia na ziada, na hakutokeakati ya Ansar aliyekuwa tajiri zaidi yake na aliwazika watoto wake wa idadi ya 120 kabla ya kutokea kwa Hajjaj nchini Basra (sahih Bukhari 1982)

·Aliomba moja kati ya Umar asilimu kwa kuupa nguvu uislam na Syd Umar Bin Khatab alisimu na uislam kushika nguvu

·Baridi ilishtadi na akamtuma Hudhayfa kwenda kufanya upelelezi akiwa hana nguo nzito za kumzuia baridi na akaomba awe hahisi baridi, na ikawa katika kipindi chote alichotumwabaridi inavuma naye kutohisi kabisa

·Alimuombea Ibn Abass awe ndio kigingi cha elimu ikawa hivyo

·Aliomba mvua kunyesha wakati wa ukame, na wakati anaomba hayo kulikuwa shwari mawingu kutoenekana na mara alipomaliza dua yake mawingu yalijikusanya na mvua kuanzakumiminika.

·Aliwaombea Abu Talha na mkewe Umm Sulaym waruzukiwe kizazi chema pale walipokutana katika usiku, matokeo yake alizaliwa Abdullah, na Abu Talha kupata watoto wengine 9na wote wakawa wasomi

·Alimuombea Umm Qays bint Muhsin dada wa Ukkasha aishi umri mrefu haiaminiki kuwa alitokea mwanamke kuishi umri mrefu au kutaokea mwanamke ataoishi umri mrefu zaidiya bibi huyu

Maelezo haya yote ni ya dhahir yasiopingika aliyoyafanya Bwana Mtume Muhammad S.A.W. Tumeyanukulu kudhihirisha kuwa Bwana Mtume alikuwa na Miujiza mingi kuliko watumewengineo ingawa haielezwi.